बॉलिवूडचे प्रसिद्ध निर्माते-दिग्दर्शक संजय लीला भन्साळींच्या बहुचर्चित आणि बहुप्रतिक्षित गंगुबाई काठियावाडी या चित्रपटाचा दमदार टीझर प्रेक्षकांच्या भेटीला आला आहे. भन्साळींनी त्यांच्या वाढदिवशी चित्रपटाचा टीझर रिलीज करुन वाढदिवसाची भेटच प्रेक्षकांना दिली आहे. या चित्रपटात अभिनेत्री आलिया भट्ट मुख्य भूमिकेत आहे. दीड मिनिटांच्या टीझरमध्ये आलियाचा जबरदस्त अंदाज लक्ष वेधून घेतो. या चित्रपटात ती अतिशय वेगळ्या अंदाजात दिसत आहे. सोबतच टीझरमधील संवाददेखील लक्षात राहणारे आहेत. टीझरमध्ये मुंबईतील रेट लाईट एरिया म्हणून ओळखल्या जाणाऱ्या कामाठीपुरात दबदबा असणाऱ्या ‘गंगूबाई’ची कथा दाखवण्यात आली आहे.
Post a Comment