0

 दिवसेंदिवस वाढत चाललेल्या आणि अनेक शहरांमध्ये शंभरी ओलांडलेल्या पेट्रोल-डीझेलच्या भावांवरून शिवसेनेने पंतप्रधान नरेंद्र मोदी आणि केंद्र सरकारवर हल्लाबोल केला. राम मंदिरासाठी चंदा गोळा करण्याचे काम सध्या सुरू आहे. त्यापेक्षा वाढत्या पेट्रोल आणि डीझेलच्या किमती कमी करा. यातून किमान राम भक्तांच्या चुली तरी पेटतील आणि श्रीरामही खुश होतील. लोकांनी वाहने घेतली ती कामधंद्याच्या सोयीसाठी. ही सर्व वाहने एकेदिवशी त्यांना रस्त्यावर सोडून घरी जावे लागेल. मग बोंबलत बसा असा टोला शिवसेनेने आपल्या मुखपत्रातून लगावला आहे.

भाजप मूग गिळून गप्प
शिवसेनेने आपल्या मुखपत्रातून भाजपवर निशाणा साधताना म्हटले, वाढत्या महागाईवर देशातील सत्ताधारी पक्ष भाजप मूग गिळून गप्प बसला आहे. तिकडे केंद्रातील भाजप सरकार सोनार बांग्ला घडवण्यासाठी कोलकात्यात प्रचारासाठी ठाण मांडून आहे, आणि इकडे सामान्य लोक महागाईला तोंड देत आहेत. एरवी महाराष्ट्रात उठसूट आंदोलने करणारा भाजप आता पेट्रोल आणि डीझेलच्या महागाईवर काही बोलणार नाही का? असा सवाल शिवसेनेने केला.



Post a comment

 
Top