तिळगूळ घ्या आणि गोड बोला' च्या गोड शुभेच्छा देणाऱ्या मकरसंक्रातीच्या सणाच्या तयारीसाठी मुंबईतले मार्केट फुलून गेले आहेत. शहर आणि उपनगरातल्या मार्केटमध्ये भोगी आणि संक्रातीसाठी लागणाऱ्या चीजवस्तू दाखल झाल्या आहेत.
मुंबई:
'तिळगूळ घ्या आणि गोड बोला' च्या गोड शुभेच्छा देणाऱ्या मकरसंक्रातीच्या सणाच्या तयारीसाठी मुंबईतले मार्केट फुलून गेले आहेत. शहर आणि उपनगरातल्या मार्केटमध्ये भोगी आणि संक्रातीसाठी लागणाऱ्या चीजवस्तू दाखल झाल्या आहेत. सुगडी, साखरेचा हलवा, तिळगुळाचे लाडू , काळ्या रंगाचे कपडे, वाण देण्यासाठी लागणाऱ्या साहित्याच्या किंमतींमध्ये यावर्षी आठ ते दहा टक्क्यांनी वाढ दिसून येत आहे. सुगडीसाठी लागणाऱ्या साहित्याच्या दरामध्ये यावर्षी वाढ झालेली दिसते. ऊस, चणे यांच्या किंमती वाढल्या आहे. चण्याच्या जुडीची लालबाग मार्केटमधील किंमत दहा ते पंधरा रुपये होती. ऊस, बोरांच्या किंमतीमध्येही गेल्या वर्षापेक्षा वाढ झालेली दिसते.
संक्रातीमध्ये हलव्याच्या दागिन्यांचे वैविध्यपूर्ण प्रकार यंदा पाहायला मिळाले. दादर येथील विक्रेते राजेश पाटील यांनी सांगितले की यंदा स्त्रियांप्रमाणे पुरुषांच्याही दागिन्यांमध्ये वैविध्य आहे. पारंपारिक हार, कानातले, बाजूबंद, गळ्यातल्यासोबत बांगड्या, पाटल्या, तोडे यामध्ये वेगळेपण दिसून येते. लहान मुलांच्या दागिन्यामध्ये बासरी, मुकुट यासह हातातली वाळी, कडे , गळ्यातले हारही उपलब्ध आहेत. यावर्षी हलव्याच्या दागिन्यांच्या किंमतींमध्येही वाढ झाली आहे. हे काम अतिशय नाजूकपणे करावे लागते, असे हे दागिने तयार करणाऱ्या सोनाली पवार सांगतात.
वाण देण्यातील वैविध्य
प्रत्येक वर्षी मकरसंक्रातीच्या वेळी देण्यात येणारे वाण वैविध्यपूर्ण असावे अशी इच्छा अनेकींची असते. यंदा खणाचे प्लाऊजपीस, तांब्याचे पाणी पिण्याचे ग्लास, रंगबिरंगी बांगड्यांचे सेट, मोबाल कव्हर, कापडी पिशव्या असे वैविध्य यात दिसते. या वस्तूंच्या किंमती किरकोळ बाजारात अधिक असल्याने मनीष मार्केट, क्रॉफेड मार्केट, गांधी मार्केटसारख्या मोठ्या बाजारातून खरेदी करण्याकडे महिलांचा कल दिसून आला
तिळगूळ महागला
यावर्षी दोन प्रकारच्या साध्या तिळाच्या किंमती या सत्तर ते नव्वद रुपये, पॉलिश तीळ १०० ते १२० रुपये किलो दराने उपलब्ध आहे. तर तिळगुळ २३५ ते २५० रु. दरामध्ये विकला जात आहे. काजू, सुकामेवा, बदाम, अंजीराचा वापर करुन तयार केलेले तिळासकटचे लाडू तसेच चिक्कीही उपलब्ध आहे. तर काटेरी हलव्यात एका रंगाचे, चार रंगाचे तर पंचरंगीही असे वैविध्यपूर्ण प्रकार ३०० ते ५५० रुपये किलो दराने मिळत असल्याचे घाटकोपर येथील विक्रेते जमना प्रसाद यांनी सांगितले.
भोगीसाठी तयारी
आजच्या भोगीच्या तयारीसाठी रविवारी बाजारामध्ये विविध प्रकारच्या भाज्यांचे दर्शन होत होते. वाटाणा, हरभरा, गाजर, फ्लॉवर, वांगी, सिमला मिरची, घालून तयार करण्यात आलेल्या भाज्यांची रेलचेल एकाच ठिकाणी दिसत होती. भाज्यांचे दर वाढलेले असले तरीही या सगळ्या भाज्या एकत्रित करून घेण्याकडे कल दिसत होता. पंधरा ते वीस रुपये पाव असे या भाज्यांचे दर होते तर ओला हरभरा हा शंभर रुपये किलो दराने विकला गेला.
काळ्या रंगाची जादू
संक्रातीच्या निमित्ताने बाजारामध्ये काळ्या रंगाची जादू दुकानांमद्ये दिसून येत होती. काळ्या रंगाचे कपडे दुकानांमधून डोकावत होते. इमिटेशन ज्वेलरीमध्येही काळ्या कपड्यांसोबत घालण्यासाठी काळ्या रंगाचे दागिने मॅचिंग करून घेतले जात होते. संक्रातीच्या दिवसांत नव्हे तर संपूर्ण जानेवारी महिन्यात काळ्या रंगाचे कपडे खूप वापरले जातात, असे भांडुप मधील व्यापारी विनय मेस्त्री यांनी सांगितले.
मुंबई:
'तिळगूळ घ्या आणि गोड बोला' च्या गोड शुभेच्छा देणाऱ्या मकरसंक्रातीच्या सणाच्या तयारीसाठी मुंबईतले मार्केट फुलून गेले आहेत. शहर आणि उपनगरातल्या मार्केटमध्ये भोगी आणि संक्रातीसाठी लागणाऱ्या चीजवस्तू दाखल झाल्या आहेत. सुगडी, साखरेचा हलवा, तिळगुळाचे लाडू , काळ्या रंगाचे कपडे, वाण देण्यासाठी लागणाऱ्या साहित्याच्या किंमतींमध्ये यावर्षी आठ ते दहा टक्क्यांनी वाढ दिसून येत आहे. सुगडीसाठी लागणाऱ्या साहित्याच्या दरामध्ये यावर्षी वाढ झालेली दिसते. ऊस, चणे यांच्या किंमती वाढल्या आहे. चण्याच्या जुडीची लालबाग मार्केटमधील किंमत दहा ते पंधरा रुपये होती. ऊस, बोरांच्या किंमतीमध्येही गेल्या वर्षापेक्षा वाढ झालेली दिसते.
संक्रातीमध्ये हलव्याच्या दागिन्यांचे वैविध्यपूर्ण प्रकार यंदा पाहायला मिळाले. दादर येथील विक्रेते राजेश पाटील यांनी सांगितले की यंदा स्त्रियांप्रमाणे पुरुषांच्याही दागिन्यांमध्ये वैविध्य आहे. पारंपारिक हार, कानातले, बाजूबंद, गळ्यातल्यासोबत बांगड्या, पाटल्या, तोडे यामध्ये वेगळेपण दिसून येते. लहान मुलांच्या दागिन्यामध्ये बासरी, मुकुट यासह हातातली वाळी, कडे , गळ्यातले हारही उपलब्ध आहेत. यावर्षी हलव्याच्या दागिन्यांच्या किंमतींमध्येही वाढ झाली आहे. हे काम अतिशय नाजूकपणे करावे लागते, असे हे दागिने तयार करणाऱ्या सोनाली पवार सांगतात.
वाण देण्यातील वैविध्य
प्रत्येक वर्षी मकरसंक्रातीच्या वेळी देण्यात येणारे वाण वैविध्यपूर्ण असावे अशी इच्छा अनेकींची असते. यंदा खणाचे प्लाऊजपीस, तांब्याचे पाणी पिण्याचे ग्लास, रंगबिरंगी बांगड्यांचे सेट, मोबाल कव्हर, कापडी पिशव्या असे वैविध्य यात दिसते. या वस्तूंच्या किंमती किरकोळ बाजारात अधिक असल्याने मनीष मार्केट, क्रॉफेड मार्केट, गांधी मार्केटसारख्या मोठ्या बाजारातून खरेदी करण्याकडे महिलांचा कल दिसून आला
तिळगूळ महागला
यावर्षी दोन प्रकारच्या साध्या तिळाच्या किंमती या सत्तर ते नव्वद रुपये, पॉलिश तीळ १०० ते १२० रुपये किलो दराने उपलब्ध आहे. तर तिळगुळ २३५ ते २५० रु. दरामध्ये विकला जात आहे. काजू, सुकामेवा, बदाम, अंजीराचा वापर करुन तयार केलेले तिळासकटचे लाडू तसेच चिक्कीही उपलब्ध आहे. तर काटेरी हलव्यात एका रंगाचे, चार रंगाचे तर पंचरंगीही असे वैविध्यपूर्ण प्रकार ३०० ते ५५० रुपये किलो दराने मिळत असल्याचे घाटकोपर येथील विक्रेते जमना प्रसाद यांनी सांगितले.
भोगीसाठी तयारी
आजच्या भोगीच्या तयारीसाठी रविवारी बाजारामध्ये विविध प्रकारच्या भाज्यांचे दर्शन होत होते. वाटाणा, हरभरा, गाजर, फ्लॉवर, वांगी, सिमला मिरची, घालून तयार करण्यात आलेल्या भाज्यांची रेलचेल एकाच ठिकाणी दिसत होती. भाज्यांचे दर वाढलेले असले तरीही या सगळ्या भाज्या एकत्रित करून घेण्याकडे कल दिसत होता. पंधरा ते वीस रुपये पाव असे या भाज्यांचे दर होते तर ओला हरभरा हा शंभर रुपये किलो दराने विकला गेला.
काळ्या रंगाची जादू
संक्रातीच्या निमित्ताने बाजारामध्ये काळ्या रंगाची जादू दुकानांमद्ये दिसून येत होती. काळ्या रंगाचे कपडे दुकानांमधून डोकावत होते. इमिटेशन ज्वेलरीमध्येही काळ्या कपड्यांसोबत घालण्यासाठी काळ्या रंगाचे दागिने मॅचिंग करून घेतले जात होते. संक्रातीच्या दिवसांत नव्हे तर संपूर्ण जानेवारी महिन्यात काळ्या रंगाचे कपडे खूप वापरले जातात, असे भांडुप मधील व्यापारी विनय मेस्त्री यांनी सांगितले.
Post a Comment