0
मोदी पाच वर्षांमध्ये केलेल्या कामांचा आढावा

इंटरनेटवर सध्या व्हायरल झालेल्या #10YearChallenge ने सध्या धुमाकूळ घातला आहे. जुने फोटो, मिम्स, टोमणे, सामाजिक संदेश असं बरचं काही या हॅशटॅगच्या माध्यमातून सोशल नेटवर्किंगवर पोस्ट केले जात आहे. यामध्ये अगदी सेलिब्रिटी, ब्रॅण्ड्सबरोबरच आता राजकीय नेत्यांनीही उडी घेतली आहे. विरोधीपक्षांवर शेरेबाजी करण्यासाठी, टिका करण्यासाठी अनेक नेत्यांनी हा हॅशटॅग वापरून फोटो पोस्ट केले आहेत. मात्र आता थेट भाजपाने या व्हायरल ट्रेण्डचा आधार घेत लोकसभा निवडणुकींच्या पार्श्वभूमीवर मोदींनी पाच वर्षात काय केले हे #5YearChallenge या हॅशटॅगच्या माध्यमातून सोशल नेटवर्किंगवर शेअर करण्यास सुरुवात केली आहे. या हॅशटॅगला चांगला प्रतिसाद मिळत आहे. भाजपाच्या अधिकृत ट्विटर हॅण्डलवरून अनेक फोटो शेअर करण्यात आले असून यामध्ये सन २०१३ साल आणि २०१९ सालाची तुलना करण्यात आली आहे. अगदी कुंभ मेळ्यापासून ते स्वच्छ भारत योजनेतेपर्यंत आणि बांधकाम क्षेत्रापासून ते बँकिंग क्षेत्रापर्यंत सर्वच क्षेत्रात कशाप्रकारे भाजपाच्या कार्यकाळात देशाने प्रगती केली आहे यासंदर्भातील फोटो पोस्ट करण्यात आले आहेत. चला तर पाहुयात काय काय पोस्ट केले आहे भाजपाने आपल्या या #5YearChallenge मोहिमेमध्ये…

कुंभ मेळ्यासाठी २०१३ साली देण्यात आलेली रक्कम १ हजार ३०० कोटी. भाजपाच्या कार्यकाळात २०१९ साली कुंभ मेळ्यासाठी देण्यात आलेली रक्कम ४ हजार २०० कोटी

Post a comment

 
Top