0
ग्वाटेमाला सिटी - ग्वाटेमाला येथील एका कोर्टाने बुधवारी माजी सैनिकाला गृह युद्ध दरम्यान 201 शेतकऱ्यांचा नरसंहार केल्याप्रकरणी 5,160 वर्षांची तुरूंगवासाची शिक्षा सुनावली आहे. हा नरसंहार मध्य अमेरिकेतील गृह युद्धाची सर्वांत क्रूर घटना होती. न्यायालयाने सांतोस लोगेज या माजी सैनिकाला त्या नरसंहारात 171 लोकांची हत्या केल्याप्रकरणी दोषी ठरवले. याबाबत कोर्टाने प्रत्येक हत्येसाठी 30-30 वर्षाची शिक्षा अशी एकूण 5,130 वर्षांची शिक्षा ठोठावली. इतकेच नाही तर माजी सैनिकाला एका लहान मुलाची हत्या केल्याप्रकरणी 30 वर्षांची अतिरिक्त शिक्षा सुनावण्यात आली आहे.
  • > सुनावण्यात आलेली शिक्षा सांकेतिक शिक्षा आहे. कारण ग्वाटेमालामध्ये तुरूंगातील शिक्षेचा कमाल कालावधी 50 वर्ष आहे. लोगेज कॅबिल नावाच्या अमेरिकेद्वारा प्रशिक्षित केलेल्या सैन्य दलाचा सदस्य होता. त्याला अमेरिकेने अटक केल्यानंतर 2016 साली निर्वासित केले होते. तपासणीनुसार लोपेज त्या दलाचा सदस्य होता. लोगेजने डिसेंबर 1982 मध्ये मेक्सिकोच्या सीमेवरील ग्वाटेमाला परिसरात नरसंहार केला होता. संयुक्त राष्ट्रांच्या मते, 1996 पर्यंत चाललेल्या ग्वाटेमाला गृह युद्धात जवळपास 2 लाख लोकांचा बळी गेला होता.    guatemala 1982 massacre ex soldier sentenced to over 5000 years

Post a comment

 
Top