मुंबई :- अंडरवर्ल्ड डॉन दाऊद इब्राहिमच्या मुंबईतील मालमत्तांचा लिलाव करण्यात आल्याने दाऊद भडकला आहे. ही मालमत्ता कोणीही ताब्यात घेऊ नये म्हणून त्याच्या साथीदारांकडून धमक्या येऊ लागल्या आहेत. ‘दाऊदची मालमत्ता कोणी ताब्यात घेतली, तर मुंबईत 1993 च्या बॉम्बस्फोटाची पुनरावृत्ती घडवून आणू. मुंबईत पुन्हा बॉम्बस्फोट करू,’ अशी धमकीच त्याने साथीदारांमार्फत दिल्याचे समजते.
मंगळवारी दाऊदच्या मुंबईतील तिन्ही मालमत्तांचा लिलाव करण्यात आला. सुमारे 11 कोटींवर रकमेची दाऊदच्या मुंबईतील तिन्ही मालमत्तांना बोली आली आहे. या लिलावात डी कंपनीने कोणताही रस दाखवला नव्हता. त्यामुळे मुंबई पोलिसही आश्‍चर्यचकित झाले होते. मात्र, दाऊदचा एक साथीदार उस्मान चौधरी याने रात्री उशिरा एका वृत्तवाहिनीला फोन केला आणि जर कोणी दाऊदची मालमत्ता ताब्यात घेतली, तर मुंबई बॉम्बस्फोटांनी उडवून देऊ, अशी धमकी दिली. दाऊदच्या साथीदाराने दिलेल्या या नव्या धमकीमुळे मुंबई पोलिस सतर्क झाले आहेत.
Post a Comment