पुण्यात घरासमोर खेळणार्‍या 4 वर्षीय चिमुरडीवर आईस्क्रीमचे आमिष दाखवून तरुणाचा बलात्कार

पुणे- चाकणमध्ये 4 वर्षाच्या चिमुरडीला आईस्क्रीम देण्याचे आमिष दाखवून तिच्यावर बलात्कार केल्याची धक्कादायक घटना समोर आली आहे. चाकणमध्ये ही घटना घडली आहे. मन्सूर मकबूल इनामदार असे नराधमाचे नाव आहे.

पीडित चिमुरडी घरासमोरील अंगणात तिच्या भावासोबत खेळत होती. आरोपी मन्सूरने तिला आईस्क्रीमचे आमिष दाखवून तिच्यावर बलात्कार केल्याची माहिती मिळाली आहे. या प्रकरणी एका महिलेने चाकण पोलिस ठाण्यात तक्रार दाखल केली आहे.

चाकण पोलिसांनी दिलेल्या माहितीनुसार, पीडितेचे आई-वडील आणि मगबूल पप्पूलाल इनामदार यांचे कुटुंब एकमेकांच्या समोर राहातात. पीडिता भावासोबत अंगणात खेळत होती. तिची आई घरकाम करत होती. अचानक तिला मुलगी रडण्याचा आवाज आल्याने या घराबाहेर धावत गेली. मुलीला विचारले असता तिने सांगितले की, मन्सूरने आईस्क्रीम देतो असे सांगून घरात नेले. गालावर ओरबाडल्याचे तिने सांगितले. पीडितेने थेट पोलिस स्टेशन गाठून सगळा प्रकार सांगितला.

आरोपी म्हणाला, माझी चूक झाली, मला माफ करा!

- चिमुरडीची वैद्यकीय तपासणी चाकण ग्रामीण रुग्णालयात करण्यात आली. सध्या तिच्यावर उपचार सुरू आहेत.
- चाकण पोलिसांनी नराधम मन्सूर इनामदार याला अटक केली आहे.
- आरोपीने गुन्हा कबूल केला आहे. 'माझी चूक झाली मला माफ करा..'असे आरोपीने पोलिसांना विनवणी केली.
- आरोपीच्या विरोधात भादंवि कलम 376, 323 अत्याचार प्रतिबंधक व बालक संरक्षण कायद्यानुसार गुन्हा दाखल केला आहे.